FIFANINANA HO AN’NY ASAN-GAZETY 2017 “Ohatrinona no tetibolan’ny kaominina misy ahy?”

bg-image Nivoaka ny 01 Febroary 2018 ao amin'ny Hetsika, An-gazety,

Lohahevitra: Ohatrinona ny tetibolan’ny kaominina misy ahy?

Daty farafametrahana ny fisoratana anarana: 1 hatramin'ny 15 febroary 2018 (23h59 GMT+3)

Fifaninana misokatra ho an’ireo:

  • Mpanao gazety (L/V)
  • Mpianatra fanaovan-gazety

Terantany Malagasy sy mpanao gazety terantany vahiny monina eto Madagasikara 18 taona na mihoatra amin’ny fanombohana ny fifaninanana.

Azonao alaina eto ny fitsipiky ny fifaninana an-gazety 2017 “Ohatrinona ny tetibolan’ny kaominina misy ahy?” amin’ny fiteny Malagasy

Azonao alaina eto ny taratasim-pisoratana anarana amin’ny fifaninana an-gazety 2017 “Ohatrinona ny tetibolan’ny kaominina misy ahy?”

Mba hanomezan-danja ireo mpanao gazety an-tsoratra, amin’ny  onjam-peo sy ny fahitalavitra nohon’ny asam-panadihadiana ataon’izy ireo manodidina ny lohahevitra fangaraharann’ny tetibola, I Transparency International Initiative Madagascar dia mikarakara fifaninanana an-gazety mitondra ny lohateny hoe “Ohatrinona ny tetibolan’ny kaominina misy ahy?” ho amin’ity taona 2017 ity. Ny fifaninana dia mitondra ny lohatenin’ny tetikasa tontosain’i Transparency International Initiative Madagascar tohanan’ny masoivohon’ny Frantsa eto Madagasikara. Io tetikasa io dia entina hanatsarana ny fangaraharan’ny tetibola sy ny fandraisan’anjaran’ny olom-pirenena ao amin’ny kaominina miisa enina ambin’ny folo ao amin’ny faritra DIANA sy Boeny ary koa hamerenana ny fahatokisan’ireo olom-pirenena sy ireo mpandraharaha ao amin’ireo kaominina ireo amin’ny alalan’ny fitantanana mangarahara ny kaominina.

Amin’ny alalan’ny fampahalalam-baovao ireo olom-pirenena, ireo mpanao gazety dia mitàna andraikitra lehibe amin’ny fangaraharana. Araka izany, ny votoatin’ny fifaninanana di any hanome lanja ny asan’ireo mpanao gazety matihanina sy ireo mpanao gazety tanora nohon’ny fampahalalan’izy ireo ny olona ny fangaraharan’ny tetibolan’ny kaominina. Ny fifaninanana dia misolatra ho an’ireo mpampita vaovao an-tsoratra, amin’ny alalan’ny onjam-peo sy ny fahitalavitra. Ary koa ny fandraisana anjara amin’ny fifaninanana dia tsy handoavam-bola. Ireo lahatsoratra sy fanadihadiana dia tsy maintsy notontosaina ny taona 2017. Azo avoaka amin’ny alalan’ny lahatsoratra (gazety na amin’ny internet), lahatsoratra anaty blog, horonan-tsary na horonam-peo fanadihadiana, horonantsary na horonam-peo mirakitra resadresaka, fanadihadiana ara-tsary, fanadihadiana ao amin’ny web, famoronan-tsary nomerika na sary sy sariitatra.

Hamporisihana ny fandraisan’anjaran’ireo vehivavy sy ireo tanora amin’ny alalan’ny fametrahana ny sokajy “Mpanao gazety vehivavy” sy ny iray hafa “Tanora mpanao gazety” ho an’ny haino aman-jery tsirairay (mpampita vaovao an-tsoratra, onjam-peo sy fahitalavitra) ankoatry ny sokajy “Asa fanaovan-gazety fanadihadiana”. Ankoatr’izany, ny mpitsara dia hanome “Loka manokana” ho an’ny vondrom-pampitàm-baovao izay nosafidiany nohon’ny asa miavaka ataon’izy ireo ao anatin’ny fangaraharan’ny tetibolan’ny kaominina.

Ny lanonana hizaràna ny loka miisa 10, dia ho tontosaina aty Antananarivo ny alakamisy 22 febroary 2018, miarka amin'ny famoahan'i Transparency Internation Initiative Madagascar ny "Indice de Perception de la Corruption " IPC.

Ireo izay te handray anjara dia afaka mandefa ny lahatsoratra sy/na fanadihadiana notontosain’izy ireo miaraka amin’ny taratasim-pisoratana anarana  alohan’ny alakamisy 15 febroary 2018 amin’ny (23h59 GMT+3):

Transparency International-Initiative Madagascar

Villa Huguette (rez-de-chaussée)

LOT II U 86 – Cité Planton - Ampahibe

Antananarivo-Madagascar

Azonao alaina eto ny fitsipiky ny fifaninana an-gazety  2017 “Ohatrinona ny tetibolan’ny kaominina misy ahy?” amin’ny fiteny Malagasy

Azonao Alaina eto ny  taratasim-pisoratana anarana amin’ny fifaninana an-gazety 2017 “Ohatrinona ny tetibolan’ny kaominina misy ahy?”

Raha mila fanazavana fanampiny dia azonareo atao ny mifandray aminay amin’ny alalan’ny laharana 020 22 288 73 na ny mailaka contact@transparency.mg

Mirary soa antsika rehetra !


Le projet Ohatrinona ny tetibolan’ny Kaominina misy ahy ? (Quel est le budget de ma commune ?) est mis en œuvre par Transparency International-Initiative Madagascar. Il est soutenu par le fonds « Projets Innovants des Sociétés Civiles et Coalitions d’Acteurs » (PISCCA) de l’Ambassade de France.